決定改行WIN7,發覺畀VISTA好用,不過好多新野好唔習慣。

公司果我已經離開左去左返新工,但當中仍有不少事發生過。我會遲D補番晒畀大家知

希望有機會可以用袁先生見見面，講下大家鍾意既漫畫

sales kit<<<唔肯出錢整個靚folder,我地只係印幾張圖出黎，再自己貼返sample上，然後再係出面買幾個folder裝起，之後由我去present畀個客囉，到後來終於出錢印folder，但係又唔會大量整sample，結果就睇客而決定畀唔畀啦，即係如果無同對方傾過下，就只會係咁宜留一張leaflet畀佢

卡片<<連百零蚊搵卡片王印館印都唔想，想用公司部大牛龜去印，但部機要對位對色勁煩，結果只可以用完彩印再用大牛龜，之後自己慢慢cut出黎用，但係d白油又勁甩，整極都有唔靚或者黏住晒，最後終於用color laser去印

promotion<<<零啦，唔係畀錢係報紙雜誌落廣告鱔稿，淨係靠我幫佢地做既contact list去call 客，自己就坐係度等d錢會走入佢個袋度

公司設備<<<新office4條友，1條電話fax線，全開揚設計，無分partition同d大牛龜分開，一開機就嘈過係你耳邊用風鑽，call只可以等佢地停機果陣call，最後就搬返晒返去舊公司office排排坐，好似變左舊公司既人咁

人手<<<由5月話請幾個新同事，到差唔多6月頭話會有個新同事返，結果都係無影無蹤；家陣呢個時勢點會請唔到人，見工都有成幾十人見過，公司地點同環境已經唔係好過人，9成係壓人價先請極都請唔到人啦，好啦。到6月中終於有人返，其中一個sales返左半個月就閃左人囉

今次講人既問題

部機買左幾個月，用左幾百萬，風火水電樣樣錢，一闊三大，新office都用左唔錢啦，但係乜野生翘都無，咁好啦~~~發生乜事呢？

由於太子爺想搞新行業，即係自己d同佢老豆以前做既客完全唔同既市場啦，佢就叫我去幫佢搵d客返黎啦。

不過，新客從何來呢？最後由我自己develop一個database出黎，然後再一個個慢慢call，原本做一個似樣既database應該都要返一段時間，但係我老細竟然叫我幾日內完成，然後即刻打去call客，連點樣去sell畀人，都叫我自己去諗埋，由設計template send出去，follow，再call，都係由我一手包辦，我發覺自己原來都幾有設計天份。

不過人手得一個，自然事倍功半啦。

就算有客見，都有一個問題，太子爺認為一千幾百既sales kit，甚至一百幾十既卡片，都唔應該畀出面印，應該用公司既資源去做，咁樣designer得一個，做得幾多樣野呢？出黎既效果又有幾好呢？真係哈哈哈啦，同個designer做左幾張紙，然後就靠我自己既三寸不爛之舌，真係咁都有生意做到真係幾奇蹟黎架。

已經返左將近一個月，鑊味濃到差d可以焗死埋樓上樓下~~

先講講間公司，係香港某廣告製作公司既子公司，母公司就好出名下，所以避免麻煩都會盡量隱喻，子公司由母公司老板個仔，即係太子爺打骰，對落有一個production manager負責生產，一個art desinger負責設計同推廣，一個sales，即係我

太子爺想搵一個新市場去增加公司收入，於是就學人搞下裝修物品，經母公司既資金下買入兩部幾百個既機返黎生產，部機用不同原料去生產成品，起初我都係因為睇左d成品，同埋聽左佢地講呢個市場有得做，先加入，現在諗起都有少少傻仔。

講返正題，點解會鑊味濃呢？其中部機既問題，出黎既顏色有問題，如果一部幾千or幾萬既機，我估可以接受到佢有d咁既問題，但係幾百個既時候，就完全唔可以接受。仲要係一直都整唔好呢個問題

速度就係部機既第2個弱點，雖然可以印到幾大既成品，但係時間都用唔少，每次都差唔多要成個鐘先做到，如果係大量製作話，要既時間就更多，係現今社會講求速度同快既環境下，呢樣野真係死症。

最後就係原來所謂乜物料都用到，都係有局限性，有d物料整出黎成品係有問題，sell唔到出去，有d就要再加工先可以出得街，但咁樣唔單只時間同成本，人手都要增加，變相造價又貴左，但最大問題係，坊間一樣有類似技術，雖然可能得3,4成既效果，但一樣做到而又快既話，人地會唔會幫襯我地呢？真係考起囉...

今日先講到呢度，下次再繼續講

條頸就ok啦，不過個人都好似成日覺得會整番傷，所以追車果陣都唔敢去到咁盡。

眼鏡都換左一副無框方鏡，d朋友都話幾好睇架

最近發覺facebook同呢度已經停頓左無update，所以要利用呢段時間update一下。

係呢度多數都係講下食同玩架啦。facebook咪最多upload下d相咁。

呢張就係我當日整傷條頸之後影既相，一睇就發覺我個膀頭同頸都扭傷左啦，勁呀！因為追巴士整傷成咁，都算係前無古人囉！ 

事件起因好簡單：企係路口準備過馬路>見到巴士到站> 轉燈>追巴士>扭傷左條頸

唔好問我點解咁都會扭得傷，不過今次真係好傷...無返一段日子都未必好返晒...今日接受左庸醫既治療後，總算叫做可以郁到，不過活動能力只限左右轉動90度。

我會稱呢次咁既事為走火入魔....好似d人癱左唔郁得咁 

最後老左就畀人囉去屠場...唉 

不過近排都係迷上玩Cyberdunk

去到www.Cyberdunk.com登記，然後做自己既球員，雖然有d似mmorpg，不過都好多香港人玩緊架。

如果有朋友想玩，記得話係我referral呀 

我就有一個fx-creation既袋...好型仔架。 

西裝都要做多一套，始終一套西裝真係唔夠，可能09年第一二件要做既事就係呢兩件 

買左乜野？山楂糖、山楂餅、山楂茶<<<一向都好鍾意食山楂，所以勁買

大城小廚既麵6pack，送左對筷子個湯匙。

美亞既不鏽鋼煲一個，屋企果個d保護漆甩晒...今次決定買不鏽鋼

位元堂既冬蟲夏草飲品<<120蚊有10支...買黎玩下

之後去左時代，陪人買左個音樂枕，同埋一個整溫泉蛋既煲仔，仲買左老三陽既湯圓，好好食架。

星期二同就阿屎飲野...都係求求其飲兩三杯算啦，星期三仲要返工架呢...

另一方面，自己又想寫d專業d既野，或者咁樣就變相停左上黎寫野，不過我都希望兩樣都能夠兼顧到呢。

其實寫自己生活、體驗既野真係好多可以寫番...不過就肯定要畀少少時間我架啦...嘿嘿嘿...大家信我啦