鄂王墓

呢度係西湖十景之一曲院風荷，不過去到果陣乜野荷花都凍死啦，要黎睇靚荷花唯有等天暖

打虎英雄武松之墓

吉列的兄弟！

送禮佳品！XD

到底初戀係乜味呢？嘰嘰嘿嘿.....

秋瑾之像

呢舊野係我身在月老廟旁影既，佢地話呢舊野可以帶畀人百子千孫，唔知靈唔靈。

黃龍洞外的一舊石

無題....

下一次再繼續

天寒地凍，駕駛電單車既話，手仔都會凍到硬晒，所以有番對手套就正啦

唔知做乜咁，開左lift就係咁樣，仲死埋.....好在無跌番落去....=="

城隍閣對落既一個叫大戲台既地方，即係以前睇大戲既場所(廢話....)

錢錢錢...錢錢錢....

又係錢錢錢......到底乜事？一陣開估

連阿姐都睇住d錢錢錢.....

雷峰塔旁邊既狀元台。

御碑。

西湖一景

蘇堤的石橋。

開估！頭先咁多錢果度，就係雷峰塔入面既遺跡，都唔明d人做乜鬼野當左係許願池係咁擲d錢入去，仲要唔係硬幣，連紙幣都有！真係癡鬼線。

已經寫明叫人唔好擲(都唔明擲黎托？)，仲有大把人不斷咁擲.....我國既德育仍有待改善。

戇居既事就係，我竟然無將個行李放係酒店，就咁囉住佢通街走

o....rz

幾個鐘.....唉....蠢呀！好鬼蠢呀我！

係西湖最後一日先影到呢舊野.....

拖住個箱行街....走左去兜巴星...唔係....係星巴克先o岩，買左杯野飲....唔鬼得左係乜啦，不過價錢同香港差唔多。

一路行就呀行....行到咁上下就行到樓外樓...即係好出名果間食杭州菜果間餐廳

不過都係無入去幫襯。

斷橋，斷橋殘雪，西湖十景之一，又係唔o岩時節去。

唔知乜野花，但係見西湖沿岸都有種，所以影一影番黎畀大家睇下。

貓，唔駛點講，但係呢隻貓係杭州博物館入面既，好乖，肯乖乖咁畀我影...哈哈。

到呢度....西湖就講晒，其實仲有好多附近既景我影左相，但係礙於upload相麻煩(即係我懶囉)，我會遲下再出多個番外篇貼相。

杭州行就咁完左？未，仲有一半未講。

西湖以北有一座寶石山，山腳就係岳王廟同埋香格里拉飯店既所在，而山上就有杭州十景之二，黃龍吐翠同埋寶石流霞，時間關係，我只係睇左黃龍吐翠。

抱樸道院，隱於山中，真係好有道觀feel，呢度真係比較靜，無乜人到，但係反而仲好啦。

可能道觀位置要行上山既關係啦，所以先無人到(係我咁低能囉住箱行李仲走上山.....)，寧靜清幽，呢度真係有修道果種feel囉。

之後就係一大段上山既路，上山，上山，再落山....終於都到左黃龍洞既入口，又放低人仔入場....行行下就見到呢樣野啦

同心鎖.....可能大家睇唔清楚，不過中間果d係鎖黎架，無論係情人夫婦、結拜兄弟，只要係呢度扣上一個鎖就可以永結同心喎........佢地話。

當然，我孤家寡人同乜鬼心.....

終於行到....黃龍呀！

頭先張近景唔多靚仔，整多張遠景先。

呢度仲有一間月老廟，問姻緣當然要問月老啦，但有其他野問都可以問問月老架。(當然又係無upload相上黎啦)

行呀行....發覺有一個擲錢既台，都係類似擲龜果d掛，不過改左唔係擲龜，而係擲錢入去一個機關內，擲中左會有聲發出。(令我諗起冒險樂園果d)

之後係大街一直行呀行，行到死死下(真係有d想死)，於是又做d傻野....走左去KFC食野....

WHAT IS THAT?

烤雞包、薯條、FOOTPUNCH！XD

走到咁上下，就坐巴士去呢個火車站，買左巴士飛，等左二十分鐘左右就有巴士黎到。

坐巴士去到機場，發覺離Check時間仲有半個鐘左右，期間見到好多港人，內地返香港當係去外國，仲講晒廣東話，所以點都唔會搞錯果d係內地人掛。

大家傻傻下坐係度等，等到夠晒鐘check都仲未入得去check，成班人係海關外呆左，終於有人等唔住走去問，原來個counter一早開左，不過死在無人守係出面，所以大家都呆等左右。

check完in，等呀等，終於上機啦！不過今次就逼好多，好多人逼埋一埋。

兩個零鐘機程，終於返到黎香港啦！快快走去坐巴士返歸，我既杭州行亦完成啦。

(杭州行完，下回：杭州行番外篇貼相篇)

就係咁樣啦，原來係準備入營受訓既武警，真係準備佢地....我估係度睇野既野，應該係佢地父母兄弟之類既人，再加上我呢個閒人，就睇住佢地去受訓啦。

呢張雖然有畀擋住左半邊，但係都清楚睇到佢地心口有個紅花....唔知有乜用.....

上車囉，好好努力受訓啦，出番黎為人民服務！

八卦完，我自己都要去搵食。

上左巴士，唔知去邊既時候，發覺乜個商場有間屈臣氏，於是又係勁好奇之下，落左車走左入去睇野，發覺同香港既屈臣真係一樣。連果d 10蚊有一件既朱古力都有，真係唔知仲以為返左香港。

當仲為自己個肚而煩惱既時候，我發覺係商場行緊既人都囉住一個超市既膠袋，上面印左一個好令我吃驚既名稱：「家樂福」！！！

一間係香港已經摺左好耐既超市....係杭州仲存在:O

平日勁鍾意行超市既我立即走去搵下呢間野啦，原來家樂福係地牢，於是就走去行超市shopping啦。

無呃人架，真係家樂福黎架。

佢地既扶手電梯係斜落無級既，所以一銑腳都幾麻煩下，不過方便左用手拉車既顧客。

人山人海。

家樂福係香港存在果陣我無行過，所以唔清楚係點樣，不過呢間家樂福就真係乜野都有(其實係有d野無賣既)，家電傢私，衣服食物乜都有，化妝品都有，仲有sales 做promote添。

99蚊一支芝華士呀！(個價錢牌反光)，不過真係唔敢買返黎，我驚有甲醇。

呢個set要賣498，唔知點解賣咁貴。多左個bag.....

送禮佳品，金華火腿乙隻，不過實過唔到香港海關。

最後係家樂福買左龍井茶葉、杭菊同埋一d糖果做手信，至於早前講過唔駛係大酒樓食既地道美食，係超市都有得食架。

佢地個熟櫃有東坡肉同叫化子雞，十幾蚊有交易，就算唔係即場食，仲有真空包裝既同類產品比你買番黎香港添(最頂癮係個盒勁靚)，如果唔係個行李箱太細，真係買番兩舊真空東坡肉返黎架。

結果買左一舊仔東坡肉食(去皮去糕)，都幾好味，地道果然係地道，d汁都甜d。

但係一舊肉係唔飽既，咁點呢？買完野出左超市，就行左去旁邊應該係當地既連鎖式麵店幫襯。

呢間叫九佰碗既麵店賣既麵都好好食架，我呢個濃湯既牛展麵，再加春卷同埋汽水，二十幾蚊人仔。

麵ok喎，比起香港果d中式拉麵好架，湯就幾濃，不過食唔到有味精。而春卷就一般，勝在夠熱。

食完呢餐，就諗住行番去酒店消化下，點不知出到去果陣原來落緊雨，咁都無法，唯有冒雨行去酒店，好在果陣都唔係好太雨，返到酒店沖完涼諗住收埋d手信入行李箱時，先發覺閂唔住個行李箱=_=|||。

(待續：杭州行最後一日)

到第二層先係專講佢既文學作品，有放映佢既詩詞歌賦既片啦，亦有會朗誦佢詩詞既機畀人不斷聽下咁。

講番下蘇堤，其實係蘇堤就自不然要講下西湖景中既「花港觀魚」「三潭印月」「蘇堤春曉」同埋「曲院風荷」。

基本上天時地利唔o岩，除左「花港觀魚」外，其他都無乜野睇。荷花又凍死晒，又未凍到結冰，又唔係夜晚.....呵呵呵......唉。

花港入面d魚....都唔明有乜咁好睇既呢。

蘇堤。

蘇堤中間有好多橋，每條橋都有名架。東蒲呀、鎖瀾呀呢d咁，而係蘇堤兩旁既景色都好秀麗，雖然唔係最好既時光，但係已經教人心曠神宜。

走到番去北山路，係旁邊就係武松墓同埋蘇小小墓(又無upload上黎)，而如果係蘇堤接北山路向西行，就會見到出名既岳王廟啦。

基本上遊岳王廟，我估最出名都係秦檜等人既鐵像。不過大家唔好以為再向佢地吐口水啦，因為為左衛生起見，廟內已經唔畀人再向佢地吐口水囉。

遊完岳王廟既時候，時間都已經成五點，天色都開始轉暗架啦，咁我就係途中買左少少手信，然後就返酒店。

返到酒店都係五點幾左右，今日比平時更早，咁點算呢？於是我就決家去杭州既城站火車站啦，點解去果度？因為要準備離途時既安排囉。

其實我自己一直都未諗到坐乜野車返去機場，因為我一直都搵唔到係酒店附近邊度有往返機場既巴士，但我又諗起由機場黎酒店果陣，巴士係途中停過係城站火車站，於是我就決定去果度碰一碰運氣。

結果我既直覺無出賣我，係車站外真係有賣去機場既巴士飛，咁我就決定走果陣就係呢度坐巴士去機場。

係呢個火車站，真係非常之特別，其一特別係呢個車站大到唔似車站，似一個商場，有超市食肆都唔係出奇，最出奇係連網吧都有。o_o。

而且係我準備走果陣，見到有一大班人圍埋車站外既廣場唔知做乜，又有成大班人係度圍觀，於是生性好奇既我就走左去八下係乜事啦，至於係乜事？留番係杭州行下一章再同你講啦。

well....要解說一下，首先係炒飯啦，然後係火腿啦，腸仔啦，仲有牛角包啦，右上係菠蘿啦，左上係橙汁+菠蘿汁啦.....

A餐B餐定C餐？其實呢個係自助早餐，中西式都有，我咪每樣加D咁囉....

食食下，都發覺有D住客係日本人同埋廣州人架，有D廣州住客仲講緊廣東話添。

食完呢個混合早餐後，就出發去西湖既旁邊.....吳山啦。

吳山天風，上面就係城隍閣啦！

呢張係遠景，其實有D幾唔愉快既事發生，去到城隍廟，買飛果陣無無講城隍閣對面既大觀台無開，結果無得係大觀台影番城隍閣，最靚既景都無得影....谷鬼氣。

呢張就係城隍閣影去大觀台果度啦，你話如果可以係果邊影番過黎，你話幾正呢？所以真係谷鬼氣。

當然，黎得城隍閣，就自然去左城隍廟求左支籤啦。

之後就走番落去西湖果邊，直去呢個雷峰塔啦！

拜託左位遊客夫婦幫我影架。

唔好見我著到成隻糉咁，其實果日唔算太涼，唔計外套都係2件衫咋。

雷峰塔第五層影番西湖時既景色，始終天氣都係差左D，影出黎白芒芒....(唔記得upload番係正雷峰塔下面影既相添....)

入去睇雷峰塔，買既入場卷好正架，好似日本既電話卡咁，入去時要過機，然後就會發覺張卡上面打左個孔。

雷峰塔旁邊就係狀元台同埋康熙親筆既御碑啦。(又唔記得upload....)

行番落雷峰塔，可以去睇下佛祖頭髮既舍利，不過收埋左係個盒入面，無得見真身。

離開左雷峰塔，我就去左蘇堤啦，蘇堤旁邊有間蘇東坡記念館，入面有唔少講蘇大文豪既事蹟，都好多野睇架。

(講到呢度，又停一停，下次再講)

內地同胞可能覺得無所謂，但我作為香港既同胞，真係見到任何有關食既野....個心真係會有d寒>_<

其實我可以咁講，想安全，食KFC啦！KFC係杭州勁過老麥架！差唔多每個街口都有KFC，老麥？我三日見埋都唔夠2間......

但無理由要係上面食KFC架....雖然我最後一日真係食左....不過此乃後話啦。

先係街邊食左一個八寶飯！咁大個仔都係第一次試架咋！天寒地凍，一口咬落去果種feel好正！又唔係好大個，食完一個成個身已經暖晒啦！之後仲食多左個菜肉包，好大個，差d放唔到入口，撕開幾份時，d汁流晒落隻手度，勁樣衰呀！>_<

之後又係另一個街邊既熟食食左一串炸豬扒同埋牛肉串燒。天寒地凍，食炸野燒野就最o岩架啦！

(東坡肉？龍井蝦仁？叫化子雞？.....呢d野唔駛去餐廳食既，遲下你地就知道)

好啦，食完晒野，飽飽啦，但睇下隻錶....晚上7點...=_=|||，點算啦，無理由返酒店架，雖然有espn...但係好似好唔多掂喎。

但人生路不熟，普通話又唔識講，點算？點算？我就真係唔知點算啦。

決定左啦！下左最大勇氣，一於「尾行」啦！

「尾行」日文黎既....解釋就即係....跟蹤人既意思咁解，係日本，呢個係貶詞，但係呢一刻，我絕對係心無歪念咁去尾行人地，因為想知道杭州人夜晚會行邊度，於是就做左跟尾狗跟實啦。

不過原來發現女士都係行下d賣衫既商場或者賣衫既街咁....男既就係跟住D女士行街....

不過杭州真係好多賣衫既商場同埋店舖，仲要賣既衫一D都唔老土，其實睇番杭州人著衫都好ok架，一般便服方面，跟到香港十足十，後生仔女真係好追得上潮流，係有少部份杭州女仔港女化左，帶住個LV咋(當然，我唔知道係真定假貨)

好啦....尾行左成個鐘....行商場都行到腳軟，個錶仲係8點...死得again....雖然話d衫係靚，但我又唔係上黎買衫，入去睇黎把鬼咩？

好在呢個時候我發現到一個好正既地方！新華書城呀！yeah！即刻衝入去啦仲等。係入面齋行都行左大半個鐘，但原來佢地呢度收9點，不過唔緊要，睇o岩自己想買既書，畀低錢走人啦。

囉住本書返到酒店，10點都未到，平時先係夜鬼活動既時候，家陣只可以去煲書，你都咪話唔枯燥。煲煲下都成1點，算啦....訓啦。(好勉為其難咁)

(咁就一日架啦，之後係講第二日行程，正式遊西湖啦)

唔知頭唔知路，買左十蚊香去拜神(有d大意唔記得影低)，佢地d香真係粗到好似蠟燭咁粗，囉起手都嚇左一跳。

其實靈隱寺係有d呃人錢既嫌疑，去到入口畀錢入場就預左架啦，但原來35蚊人仔只係畀你入去影飛來石壁，之後要入靈隱寺仲要畀多40蚊人仔。

(呢個就係入口啦，盛惠35蚊人仔)

(飛來石壁，一線天)

入到寺裡面，我睇下手頭d香啦，寫晒話畀拜邊幾個架。不過我都唔知咁多位尊者尊架何在，唯有行到去先算啦。

拜完如來尊者，又拜埋觀音大使，拜拜下，發覺藥師殿原來係度做緊修繕，唔開喎，但係有香要燒架？點算？唯有走果陣係番大雄寶殿燒啦，佛祖咁好人，唔會怪我既....嘻嘻。

行到上華巖殿(亦即係靈隱寺位處最高既佛殿)，轉身一望，四周微微灰白既景色，反而帶出一種虛實難辨既仙境感覺，雖然仍有吵鬧既人聲同埋工程發出既機械聲音，但係我反而靜靜地望住山下，希望想深深感受一下，呢種不真實既感覺。

開始走番落山既時候，我就諗緊，果個好出名既五百羅漢像係邊呢？原來係大雄寶殿既西面，正當我想去之際，見到有僧人在大雄寶殿做法事，過百僧人正在誦經，同時其他黎參觀既人亦都係度張望。

僧人們正在為幾名善信做法事，至於係邊類型既我就唔知清楚，但係見佢地打鼓敲鐘，不斷唸著我聽唔明既經文，整個大雄寶殿內本來因為太多遊客而弄得失去的莊嚴，又再次出現。

聽左唔知幾多分鐘經文，我最後都係往羅漢殿出發。整個五百羅漢像的殿堂，較其他各殿都寂靜，以卍字的建築為主，中間有一個佛塔再安放多四尊佛像，殿內放置了五百尊羅漢，每一尊皆有不同名字及面貌，表情七情上面，動作栩栩如生，雖然唔可以影相，但好多既面孔都深印左係腦海之內。

行完羅漢殿，出番黎都差唔多要趕尾班車，靈隱寺既尾班車5點就開，唔走快d就要行落山，坐完車落山，我邊睇地圖邊決定緊今晚食乜。決定左係廷安路落車，一來果度好旺，二來近我返去酒店既平海路。

(太多野講....待續，開多個2.5講今晚食同埋整晚點過)

一早(早到4點)去到機場，但又未有得check in，結果要係機場訓一陣，但訓得唔係太好，所以係飛機上面食完野又係訓。

三文魚煎蛋+腸+番茄，再加多齋啡，勉強令我唔再想訓住。

落到機果刻，真係feel到幾涼，有件外套頂住之下，急急步咁離開機場，四周都係白芒芒咁，呢三日既天氣都唔係太好，天色同香港咁，灰灰白白。不過每呼吸一下，鼻同口都透出晒白煙，真係唔覺得幾度。

正當唔知下一步應該點做時，見到有巴士寫住來往機場同市區，即時放低15蚊人民幣衝上車啦，收票d人睇左我寫既目的地(我住果間酒店)，就叫我第2站落車，但落左車又搵唔到酒店喎，明明街頭街尾都行晒架啦，到底間野去左邊？睇地圖又搵唔到間野(我張地圖明明寫住係2006年版架啦！)

勁無奈之下，只好揮手召的士，原來間酒店就係街頭，我只係之前行多一個街口就會見到，就係差一個街口，白白洗多左十蚊。

酒店環境唔錯，佢果d所謂5星，比得起香港3.5星，直迫4星。

杭州街景，呢度同深圳都幾唔同，不過都係大陸。

唔同既地方係我覺得呢度既治安比深圳好，係深圳無時無刻都要打醒十二分精神，呢度真係無咁需要高度戒備。

但相同既地方都係過馬路果陣，唔打醒廿二分精神既話，車死都唔知乜事。

就算行人過路既綠公仔亮起左，唔代表你可以大搖大擺過去，因為無論單車、電單車(應該係單車+電單車合體兩用)同埋其他汽車，根本好少理會d訊號，要衝就衝。

大街大馬路既話，都有d公安做下交通警，汽車果d都會守下規矩，但係單車果d真係睬你都傻。

其實真係好唔明，都唔知點解佢地咁樣亂踩單車都唔會畀車車死？

同埋呢度如果你囉張地圖出黎睇路，同深圳一樣，好快會有人走過黎問你要唔要車之類既野，同深圳唔同，你拒絕左之後，佢地好少會再死纏爛打。

杭州既巴士(去旅遊區果d)係有人沿途講解每個站有d乜野架！

不過杭州人似乎自己都唔多熟自己住既地方，有時畀張地圖佢，佢地都係唔識。

(待續，下一站，靈隱寺及第一晚點樣過)