遲下會補返呢幾個月食野既相同食評畀大家睇 

希望呢幾日內會搞掂

近日幫襯左幾間食肆，本來都想upload返d相上黎，但係真係要煩完呢個星期先掂

上次睇完馬術，總叫做睇晒啦，不過如果無聽收音機講解，真係會唔知做乜架呢。

呢排都好忙，就算工作外，自己都編到成個schedule滿一滿...係唔係唔係咁好呢？

成日同女友行街，明顯地少左去睇話劇或者落bar...似乎太健康既生活真係幾單調，要維持感情始終都要畀下新鮮感。

睇左batman囉....真係非常之正，故仔好普通既好人打壞人，壞人打好人，但係導演做到野，演員發揮得好，結果講到故仔之餘，令人反思下自己內心係唔係都有一個小丑係度...batman內心既無奈，小丑既破壞純粹係想開心，two-face既作惡背後既逃避心態，都有反映到係現實人既心靈本來都有問題，到底能唔能夠將自己既陰暗打敗，始終都係本著良知呢樣野。

近日睇到立會選舉期逼近，權力呢樣野再次令人腐敗，乜野政治理念、為民請命，到頭來都只不過係屎便一樣，相比起小丑，甚至係果班黑幫更不堪，至少佢地唔會掩飾自己既邪惡，唔似一d人滿口仁義道德，但係內心就比毒蛇更毒。正如戲內摩根費曼所講，權力真係會令人失控。

或者某程度上，小丑畀呢班人更可愛。

上星期去左中央圖書館聽左香港文學節兩個講座，一個講寫blog，一個講二樓書店adn文學，前者都叫做貼題，但係後者真係離題離晒譜，根本只係主力講香港詩詞既發展史咁...仲要有個傻佬係度阻住晒，聽左大半我就走左囉。

今個星期仲有一些講武俠既，希望真係貼題啦。

下星期一係家姐生日，又係一大班人同佢慶祝既時候。而我自己仲係開始返新工既時候囉，希望下星期一切都順順利利。

兩個人叫左4樣野...酸辣粉、牛肉麵、溏心鹵水蛋豆腐+楊癡甘佬

個酸辣粉唔記得影相，不過好好食，酸辣湯底配d幾韌粉(有d似霸王山莊果d金鋼粉)，兩者配合得幾好，個湯其實唔係太辣同酸，不過d粉幾好食，而且份量都多架。

豆腐and鹵蛋

黎完一個熱既，呢個就凍食，豆腐好入味呀，隻蛋我食左少少，d算唔錯，不過重點真係d豆腐呀~~正！

牛肉麵，好似平平無奇，不過重點係就果4塊牛肉，應該係上左d天婦羅粉然後再炸，入口果陣脆脆地幾好味，同時塊牛肉本身都幾厚，所以個咬口強左好多，雖然就比較少汁，但係口感方面已經補足番。

楊枝甘露，好多西米，個底係用左芒果雪糕溶左再加d奶，變得好鬼滑，好正。

兩個人都係食左百零蚊咋！好抵食，而且仲有好多菜未試，下次一定會試埋佢。

呢間野地點就係大婆牛肉麵對面啦。

雖然Luther同埋梁生都事無黎到，但係氣氛都好好，聽番d執委講，呢間野係佢地好細個時黎既。...(我絕對相信一個5,60歲既阿伯講佢地好細個果陣，就真係好細個)

首先又係燒味拼盤...唔駛多介紹...不過多左樣鵝腸咁解。

上菜速度都幾快，而大家都好斯文，唔係太敢起筷...其實原因係呢一檯有阿龍哥坐係度...大家都唔好意思係咁夾咋。

翅呀...好多翅呀...

足三兩呀喂！

呢一個係鴨腳+鮑魚...我就淨係食鮑魚+下面d菜。

呢個...好多係d螺肉+蜆肉果d...我就狂食下面d西蘭花，反而d螺肉就食得一兩件。

呢個係賴尿蝦，特色之處有下面用左米底，d米入左蝦香，咬落好似食緊d糕咁樣。

天婦羅炸魚喎....部長話...不過d魚唔似係雪藏魚，同埋果層皮都幾薄同脆，食下食下就會食多幾件。

蝦again...呢度茶係就米粉就底，d米粉又係會索左d蝦汁，而且因為個米粉係炒過，所以食落係有少少脆脆地架。

雞一件...中規中矩。

炒飯，有大大隻既蝦仁。

呢晚大家都食得比較緊張d...可能係我地呢檯坐左幾個執委同埋龍哥...大家唔敢太放。反而主家同埋第3檯就真係食得高興得多。

不過都好既，至少我抽到200蚊獎品丫:p

就係呢件

果時仲係MEDC果陣，我搬返511既場刊果時，用左carol張檯黎放，為數幾百本既場刊，一次放晒係張蔗渣檯...下場就係咁。

哈哈哈哈哈....好正！

當然...我無畀人罰啦

行埋街真係倦到想死...最慘係背脊同肩膀都痛緊...都唔知點訓

點解...邊個可以講畀我知點用架？！>_<

獨自一個人的時光，便會盡量回憶快樂的往事，因為那是令你最能守住時間的事情。

經過今次教訓，以後會重新考慮下自己要搵乜野工作，同埋以後要睇清楚乜野野先應該付出，唔好再浪費自己既時間精神，到頭黎仲要畀人話返轉頭。

雖然期間有勁多唔開心野，但係都好開心，因為自己有能力去take up到好多野，一手一腳處理晒所有問題。

日後未必可以再留係度，不過學到既野，識到既人，佢地畀到我既野我都會好好記住。

不過最估唔到係，我以為最容易既項目，反而最後先出錯...真係標冷汗都標死我，好在最後都順利過關。

好多野想寫...不過唔知點寫，辛苦到大汗搭細汗，自己一個人搬幾十個花籃等車，失驚無神走番上office搵野然後又極速飛番落黎，成個ceremony同dinner入面，自己唔再係一粒可有可無既螺絲，而係一件獨一無二，影響到成個工序運唔運作到既部件。

雖然成個典禮入面又試有粉人阻頭阻勢，不過反而令我發覺自己有d乜野要改善，粉人，多謝你，下次我唔會蕩失路，我會直接帶住d花籃去大酒店探你架啦，安心上路啦。