Carmen既生日禮物Ipod touch 2G-16G版。有好多野要幫佢裝...

我就有一個fx-creation既袋...好型仔架。 

好想換眼鏡，現在用緊呢副已經用左好幾年，已經有少少爛爛地，睇左呢用方鏡無框，唔想跟風用全框鏡呢。

西裝都要做多一套，始終一套西裝真係唔夠，可能09年第一二件要做既事就係呢兩件 

去完工展會...對腳畀幾十架車(仔)轆過....慘..

買左乜野？山楂糖、山楂餅、山楂茶<<<一向都好鍾意食山楂，所以勁買

大城小廚既麵6pack，送左對筷子個湯匙。

美亞既不鏽鋼煲一個，屋企果個d保護漆甩晒...今次決定買不鏽鋼

位元堂既冬蟲夏草飲品<<120蚊有10支...買黎玩下

之後去左時代，陪人買左個音樂枕，同埋一個整溫泉蛋既煲仔，仲買左老三陽既湯圓，好好食架。

星期二同就阿屎飲野...都係求求其飲兩三杯算啦，星期三仲要返工架呢...

畀家姐問我做乜咁耐都唔update，其實我都唔知自己點解會咁，可能10月打後真係忙d掛，又或者之後發生左唔少事啦，之後11月又忙住搵工，12月有工返就忙住返工，d透氣既時間都無，或者係自己畀自己既藉口，但係香港人就係識得善用呢d藉口黎放大自己既言行，我自然都唔會例外。

另一方面，自己又想寫d專業d既野，或者咁樣就變相停左上黎寫野，不過我都希望兩樣都能夠兼顧到呢。

其實寫自己生活、體驗既野真係好多可以寫番...不過就肯定要畀少少時間我架啦...嘿嘿嘿...大家信我啦 

呢兩個月發生左好多野...唔開心程度真係比得上06果陣，不過今次好在有班朋友幫忙...同埋女友係身邊，唔係又會跌返入以前果個深淵。發覺今次虧欠左女友...真係好想快d補償到畀佢，唯有自己努力搵工賺錢雖然明白色即是空，空即是色呢個道理，但自己始終都係俗人一名，知知而不知而行，最多唸多d經，其他事都係順其自然算。

遲下會補返呢幾個月食野既相同食評畀大家睇 

一d好麻煩既事情仲未解決，以後搵到解決方法，但仍然係好煩...

希望呢幾日內會搞掂

近日幫襯左幾間食肆，本來都想upload返d相上黎，但係真係要煩完呢個星期先掂

工作上既滿足，有時唔係來自升職加人工，而係老闆對你既無限信任，即係等於你辦事，我放心咁樣。

上次睇完馬術，總叫做睇晒啦，不過如果無聽收音機講解，真係會唔知做乜架呢。

呢排都好忙，就算工作外，自己都編到成個schedule滿一滿...係唔係唔係咁好呢？

今日好頹...放工果刻已經有少少唔想返學，返到去好高興可以早d走，始終無乜必要上既堂就上少d。

成日同女友行街，明顯地少左去睇話劇或者落bar...似乎太健康既生活真係幾單調，要維持感情始終都要畀下新鮮感。

睇左batman囉....真係非常之正，故仔好普通既好人打壞人，壞人打好人，但係導演做到野，演員發揮得好，結果講到故仔之餘，令人反思下自己內心係唔係都有一個小丑係度...batman內心既無奈，小丑既破壞純粹係想開心，two-face既作惡背後既逃避心態，都有反映到係現實人既心靈本來都有問題，到底能唔能夠將自己既陰暗打敗，始終都係本著良知呢樣野。

近日睇到立會選舉期逼近，權力呢樣野再次令人腐敗，乜野政治理念、為民請命，到頭來都只不過係屎便一樣，相比起小丑，甚至係果班黑幫更不堪，至少佢地唔會掩飾自己既邪惡，唔似一d人滿口仁義道德，但係內心就比毒蛇更毒。正如戲內摩根費曼所講，權力真係會令人失控。

或者某程度上，小丑畀呢班人更可愛。